مجموعه وصفات طبيعيه للبشره الجافه

جبتلكم مجموعه وصفات طبيعيه للبشره الجافه …….. معظم البنات بتعاني من جفاف بشرتها وده نتيجة لعدم اهتمامها ليها في تغيير الجو على مدار السنه انا بقا هاقولك على شويه نصايح تعمليها عشان تتجنبي جفاف بشرتك :

جفاف البشره عادة بيحصلك في فصل الشتاء كتير عشان كده اوعي تستحمي اوتغسلي ايدك بميه سخنه قوي لان ده بيأذيها خليها ميه فاتره وياريت مده الاستحمام بتاعتك ماطولش يعني تكون من 5_10 دقايق وماتستعمليش الصابون العادي ده لان بيكون فيه ماده كحول ومواد عطريه ضاره لبشرتك وياريت تستعملي غسول كريمي مرطب مناسب لبشرتك وياريت يكون بيحتوي على مادة السيراميدلان الماده دي بتساعد في ترطيب البشره وبتحافظ عليها من الجفاف وبرده بعد ماتستحمي حاولي تتنشفي بفوطه ناعمه وترطبي بشرتك بكريم مرطب مناسب ليها عالطول عشان تحفظي الميه اللي داخل الجسم ومتعرضهاش للجفاف, وياريت تشربي كميه كافيه من الميه على قد ماتقدري لان الميه بتحافظ على الجلد من الجفاف وكمان لازم تنامي ساعات نومك الكافيه عشان ده هايخلي بشرتك ليها رونق وتظهر بالمظهر اللائق ليها لكن السهر هايخلي بشرتك تجف ويظهر عليها علامات الشحوب والتعب والارهاق وجلدك هايفتقد عمره بسرعه وده هايؤدي للتجاعيد.

بصوا بقا يابنات شوية الماسكات الطبيعيه اللى   ممكن تعمليها في البيت وتحافظي على بشرتك :

_ماسك البيض والعسل : هاتفصلي البيضه عن الصفار وتجيبي بياض البيضة وتضربيه بالمضرب كويس خالص لحد مايتقل وبعدين تحطي عليه ملعقه صغيرة عسل ابيض وملعقه صغيره زيت عباد الشمس وتخلطيهم ببعض كويس وتحطيهم على بشرتك لمدة 15 دقيقة وبعدين تغسلي وشك بالميه البارده.

_ماسك الموز بالزبادي : هاتي 2 موزه واهرسيهم كويس وتحطي عليهم ملعقه صغيره عسل نحل ونصف كوب زبادي وتخلطيهم كويس وتحطيه على بشرتك لمدة 20 دقيقه وتغسلي وشك بالميه البارده وهاتشوفي الفرق والجمال.

_ماسك الزبادي والخيار : جيبي خياره وملعقه نشا وعلبة زبادي وتخلطيهم في الخلاط كويس جدا وتحطيه على بشرتك لمده نصف ساعه لحد ماينشف وبعدين تغسليه بالميه البارده.